नेपालको उत्तरी सीमासँग जोडिएको उपल्लो डोल्पा र तल्लो डोल्पाको जीवनशैली पर्दामा देखाउँदै दुबै ठाँउका स्थानीयबीच सम्बन्धलगायतको कथाबस्तु समेटेर निर्माण थालनी गरिएको निर्देशक देब नेपालले जानकारी दिए ।

चलचित्रले उपल्लो डोल्पा र तल्लो डोल्पाका समुदायबीच सामाजिक तथा भाषिक पक्षमा देखिएको समस्या तथा समाजमा कायम रहेको अन्धविश्वास र रुढीवादी परम्परालाई उजागर गरिएको समेत निर्देशक नेपालले बताए ।

म्हेन्दुको सम्पूर्ण छायाङ्कन तल्लो डोल्पा र उपल्लो डोल्पामा गरिने निर्माण पक्षले जनाएको छ । देब नेपालको लेखन तथा निर्देशन रहेको म्हेन्दुको निर्माता अर्जुन डोटेल, प्रस्तुतकर्ता सुदिप डोटेल, द्धन्द निर्देशक राजु किँराती, कार्यकारी निर्माता चन्द्रमणि, संगीत बिमल डाँगी, सरोज कोइराला, पुरोषत्तम कुमार लामाको रहेको छ ।

अभिनयमा भोला तिमेल्सेना, सोनु पुमा, रमेश सोडारी, यसराज कुमार श्रेष्ठ, किशोर खतिवडा, बिन्दा थिङ, प्रतिक्षा खतिवडा, लक्ष्मण देबकोटा, बाबुराजा शाक्य चन्द्र मुड्भरीलगायतले गर्ने छन् । मारोन मुभिज एण्ड ईन्टरटेन्टमेन्टद्धारा प्रस्तुत चलचत्रिको छायाङ्कनमा बिक्रम कार्कीले गर्ने छन् ।

झन्डै एक महिना लगाएर खिचिने म्हेन्दुको कुल लागत एक करोड ३० लाख अनुमान गरिएको निर्देशक नेपालले बताए । आगामी भदाैंसम्म प्रर्दशन गर्नेगरि छायाङ्न सुरु गरिएको म्हेन्दु नेपाली, अंग्रेजी, जापनिजलगायत चारवटा भाषामा अनुवाद गरिने निर्माण पक्षले जनाएको छ ।