प्रहरी र अपराधी जन्मजात शत्रु हुन् । एउटा प्रहरीको सम्पूर्ण जीवन अपराधीको पछाडी दुगुर्दा दुगुर्दै कट्छ । यी जन्मजात शत्रुबीच सद्भावना र श्रद्धाको सम्बन्ध पनि दुर्लभ सुन्न पाइन्छ । तर वेल्सको जेलको एकजना महिला प्रहरी अधिकारी र कैदीको अफेयरको मामला सार्वजनिक भएको छ । यो मामिला साउथ वेल्सस्थित ब्रिजएण्ड क्षेत्रको एक प्राइभेटको हो, जहाँ एचएम नामको जेलमा २५ वर्षीया शाना क्लीयरी सेवारत थिइन् ।

जेलमा अपहरणको अपराधमा जेल सजाय काटिरहेका २२ वर्षीया कैदी कर्ट जर्मनले पहिले त शानासँग निकट सम्बन्ध बढाउने प्रयास गरे पछि उनी आफैंले कर्टलाई आफ्नो मोबाइल नम्बर दिएर आफै‌ले जेल भित्रको कैदीलाई गोप्यरुपमा निजी मोबाइलबाट म्यासेजहरु पठाउन शुरु गरिन् । दुबैको प्रेम अगाडी बढिरहेको थियो । त्यसैक्रममा जेल प्रशासनले त्यसबारे थाहा पाएपछि ती महिला अधिकारीलाई निलम्बन गर्‍यो ।

कर्टमाथि ७७ वर्षका वृद्धमाथि जान जानेगरी हमला गरेको आरोप छ र उनी त्यसमै १० वर्षको जेल सजाय काटिरहेका छन् । जेल प्रशासनले ती शानालाई निलम्बन गर्नुका साथै कर्टलाई जेलभित्र मोबाइल लुकाएर राखेको भन्दै थप ६ महिना जेल सजाय थप गरेको छ ।

उक्त मामिलामाथि छानबीन भएपछि कर्टले शानालाई पछिल्लो वर्षको अगस्ट महिनामा पहिलो पटक फोन गरेको खुलासा भयो ।

छानबीनको क्रममा शानाको मोबाइल र ल्यापटप जफत गरिएको छ र त्यस मामिलामा थप छानबीन हुँदैछ । १६ हप्ताका लागि निलम्बन गरिएको शानाले १५ दिनका लागि सुधारगृहमा समय बिताउनुपर्ने हुनेछ ।