काठमाडौं,२३ असार। चन्द्रागिरि नगर उद्योग वाणिज्य संघको प्रथम साधारण सभाले उद्यमी राजेन्द्रविक्रम बानियाँको अध्यक्षतामा २५ सदस्यीय नयाँ कार्यसमिति चयन गरेको छ ।

आगामी तीन वर्षे कार्यकाल रहने सो कार्यसमितिको उपाध्यक्षद्वयमा सुनिल रिजाल र कृष्णभक्त श्रेष्ठ, महासचिवमा घनश्याम लुइँटेल, कोषाध्यक्षमा विष्णुप्रसाद शाही, सचिवमा रमेश कार्की, सहकोषाध्यक्षमा इन्द्रवीर महर्जन रहनुभएको छ ।

आज यहाँ सम्पन्न सो साधारण सभाको शुभारम्भ गर्दै नेपाल उद्योण वाणिज्य महासंघ प्रदेश नं ३ का अध्यक्ष दिनेश श्रेष्ठले व्यावसायिक हक हितका लागि महासंघले विभिन्न काम गरिरहेको बताउनुभयो ।

संघका अध्यक्ष बानियाँको सभापतित्वमा सम्पन्न सो कार्यक्रममा महासचिव लुइँटलले आगामी वर्षका नीति तथा कार्यक्रम, कोषाध्यक्ष शाहीले आर्थिक प्रतिवेदन पेश गर्नुभएको थियो ।

संघीय संरचनामा उद्योग वाणिज्य महासंघको भूमिका अहम् रहने र चन्द्रगिरि उद्योग वाणिज्य संघलाई नमूना संघ बनाउने जानकारी अध्यक्ष बानियाँले सो अवसरमा बताउनुभयो ।