काठमाडौ । नेपालको पहिलो अध्यात्मीक व्याण्ड सत्यकृतले पशुपति शर्माको आवाजमा नयाँ भजन बजारमा ल्याएको छ । संगीत मार्फत ईश्वरीय दिव्य प्रेमको सन्देश दिने उद्देश्यले सत्यकृत व्याण्डले सत्य सत्य मिलेर नदी झै सागर झै बोलको गीत बजारमा ल्याएको हो ।

संगीत मार्फत भगवानको प्रेरणा दिन उक्त व्याण्डले सत्यकृत भजन बजारमा ल्याएको हो । आधुनिक युवाहरु पश्चिमा संगीत र संस्कृतिमा बढी आकर्षित भएका बेला सत्यकृत व्याण्डले भने युवापुस्तालाई नयाँ स्वाद दिइरहेको हो । रक म्युजिक, पूर्वीय, शास्त्रीय, लोक पाश्चत्य बाध्यवाधन मार्फत पनि भगवान भक्ति गर्न सकिन्छ भन्ने उद्देश्यका साथ लागि परेको सत्यकृत व्याण्डका  गायक विदुर न्यौपानेले बताउनुभयो । प्रेमको स्रोत परमात्मा भएकाले युवा पुस्ताले भगवान भक्ति गरि नैतिक बाटोमा हिड्नुपर्ने न्यौपानेको भनाई छ । नेपाल जस्तो देवभुमिमा जन्मनु आफैमा भाग्यको कुरा भएको भन्दै धर्मकर्म बुढेकालमा नभई युवा अवस्थामै गर्नुपर्ने भएकाले विभिन्न कार्यक्रम गर्दै आएको गायक सुरसाधुले बताउनुभयो ।
श्री हजुरलाई आफ्नो प्रेरना र आइडल मान्ने यस व्याण्डका युवा पुस्ताले गणेश भजन, देवी, शिव, विष्णु लगायतका भगवानको भजन गीत पनि सार्वजनिक गरेका छन । नैतिक जगरणका लागि संगीतिक अभियान भन्दै यस सत्याक्रित ब्यान्डले देशका बिभिन्न स्थानहरुमा आफ्ना प्रस्तुतीहरु दिदै आएका छन । प्रस्तुती दिदै गर्दा धेरै युवाहरुको भजन प्रतिको हेर्ने दृष्टिकोण सकारात्मक पाइएको विदुर न्यौपानेले बताउनुभयो । संगीतको मध्यामबाट मानब हृदयमा लुकेको सत्य उर्जालाई जाग्रित गराउने उद्देश्यले सत्यकृत व्याण्डले विभिन्न काम गर्दै आइरहेको छ ।