काठमाडौं, २५ असार । खानेपानी मन्त्री विना मगरले तीन बर्ष सम्ममा मुलुकभर स्वच्छ खानेपानीको पहुँच पुर्याउने बताएकी छन् ।

सोमबार राष्ट्रियसभा बैठकमा आफ्नो मन्त्रालय अन्र्तगत विनियोजित बजेटमाथि राष्ट्रिय सभा सदस्यहरुले उठाएको प्रश्नको जवाफ दिदै मन्त्री मगरले तीन बर्ष भित्र सबैलाई स्वच्छ खानेपानीको पहुँच पुर्याउने गरि योजना तर्जुमा गरिएको बताएकी हुन् । उनले ७७ वटै जिल्लामा र सबै स्थानीय तहमा रहेको खानेपानीको समस्या र चुनौतिको खोजी गर्दै सवैमा खानेपानीको पहुँच पु¥याउने बताएकी हुन ।

उनले एक घर एक धारा र एक घर एक शौचालयको कार्यनीति अनुसार ७७ वटै जिल्लामा क्रमागत रुपमा रहेका ३२ सय ४९ उच्च प्रविधियुक्त खानेपानी आयोजनाहरु र तराई मधेसमा आर्सेनिक मुक्त खानेपानी वितरणको व्यवस्था मिलाउन त्यस क्षेत्रका २१ जिल्लामा ६ सय ३७ क्रमागत आयोजनाहरु प्रदेशस्तरबाट संचालनमा आउने गरि प्रक्रिया आरम्भ गरिएको बताइन् ।

शहरी क्षेत्रमै जार र मिनरल वाटरको रुपमा आउने पानी पनि पिउन योग्य नभएको भन्ने सन्र्दभमा उनले क्षेत्राधिकार भन्दा बाहिर रहेको जार र मिनरल वाटरलाई पनि अनुगमन गर्न पाउने गरि नियम ल्याउने तयारी भएकाले त्यसलाई कडाईका साथ अनुगमन गरिने प्रतिवद्धता जनाइन् ।