बीरगंज, ३० असार । नक्कली अन्तःशुल्कको स्टिकर प्रकरणमा पुर्पक्षमा रहेका ४ जना ४ जना फरार रहेका सहित ८ जनाहरुलाई आन्तरिक राजश्व कार्यालय पर्साले ५४ करोड रुपैया भन्दा बढी जरिवाना तोकेको छ ।
आन्तरिक राजश्व कार्यालय पर्साले मदिराहरुको बोतलमा प्रयोग गर्ने स्टिकरहरु नक्कली छपाई ओसार पसार गर्ने ८ जनालाई करिव १ बर्ष सम्म अनुसंधानपछि कार्यालयले उनिहरुलाई दोषी ठहरगर्दै एक बर्ष कैद र ५४ करोड २९ लाख ६० हजार ९ सय २८ रुपैया जरिवाना तोकेको हो ।

मदिराको बोतलमा नेपाल सरकारले लगाउने गरेको अन्तःशुल्कको स्टिकर नक्कली भारतबाट छपाई बीरगंज भन्सारबाट अन्य सामान भनी जाँचपास गराउने क्रममा आन्तरिक राजश्व कार्यालय पर्साले उनिहरुलाई पक्राउ गरेको थियो । नक्ककली स्टिकर प्रकरणमा १३ जना अभियुक्तहरु मध्ये आठ जनालाई मात्र दोषी ठहर गर्दै उनिहरुलाई बिहिवार आन्तरिक राजश्व कार्यालयल पर्सामै कार्यालयका प्रमुख गोपी कोईरालालले फैसला सुनाएका थिए ।

उक्त नक्कली स्टिकर प्रकरणमा पक्राउ परी पुर्पक्षमा रहेका मोरङ जिल्ला बिराटनगर महानगरपालिका १ का हरिओम ट्रेडिङ प्रा.ली. का संचालक बर्ष ५० का कुल प्रसाद भण्डारी, मोरङ जिल्ला बिराटनगर ११ मधुमारा बस्ने बर्ष ५४ का प्रकाश घिमिरे, धादिङ जिल्ला धुनिवेशी गाउपालिका ३ ठेगाना भै हाल काठमाण्डौ महानगरपालिका बुढानिलकण्ठ बस्ने बर्ष ५० का राजकुमार भण्डारी र भारतको पुर्वी चम्पारण रक्शौल २० घर भएका बर्ष ४९ का वीरेन्द्र कुमार महतो सहित चार जनालाई दोषी ठहर आन्तरिक राजश्व कार्यालयले गरेको छ ।

सो स्टिकर प्रकरणमा संलग्न रहेका हेटौडा उमनपा १ पदमपोखरी का त्रिमुर्ती क्लियरिङ एजेन्सीका प्रतिनिधी भन्सार एजेन्ट बर्ष ४४ का अशोक कुमार श्रेष्ठ, कैलाली जिल्ला गोदावरी नगरपालिका १ स्थाई ठेगाना भै काठमाण्डौ बस्ने बर्ष २१ का सुगम सापकोटा, काठमाण्डौ गोकर्णेश्वर १५ बस्ने राधेश्याम पौडेल, कैलाली दोदोधरा ८ बस्ने प्रकाश सापकोटा र काठमाण्डौ चन्द्रागिरी नगरपालिका १४ बस्ने पुष्करनाथ दवाडी सहित ५ जनालाई आन्तरिक राजश्व कार्यालयले निर्दोष रहेको भन्दै सफाई दिएको छ ।

त्यसैगरी नक्कली अन्तःशुल्कको टिकट स्टिकर प्रकरणका मुख्य योजनाकार र त्यस कार्यमा संलग्न रहेका भारतिय ट्रान्सपोटर भारतको हरियाणा घर भै हाल काठमाडौं महानगरपालिका १४ कुलेश्वर बस्ने हिमालयन कार्गोका प्रोपाईटर मधु कुमारी चौधरीका पती बर्ष ५२ का विनोद कुमार गुप्ता, बारा बारा जिल्ला कलैया नगरपालिका ६ घर भै काठमाण्डौ कुलेश्वर बस्ने भारतिय हिमालयन कार्गेका प्रोपराईटर बर्ष ४९ को मधु कुमारी चौधरी, हिमालयन कार्गोका प्रोपाईटर मधु कुमारी चौधरी पती विनोद कुमार गुप्ताका छेरा राहुल गुप्ता र भारत हरियाणा भर भै काठमाण्डौ १४ कुलेश्वर बस्ने बिनोद गुप्ताका भाई भारतिय ट्रान्सपोर्टर भारतमा दर्ता रहेको सनसाईन कार्गोका मालिक सतिष गुप्ता अहिले फरार रहेपनी उनिहरु समेतलाई दोषी ठहर भएकालाई अन्तःशुल्क ऐन २०५८ को दफा (१) को खण्ड (घ) बमोजिम जनही ३ करोड ३९ लाख ३५ हजार ५८ रुपैया बिगो र विगो बराबरको जरिवाना र १ बर्ष कैद तोकिएको प्रमुख कोईराला बताउछन । बिगो र विगो बराबरको जरिवाना गर्दा एक ब्यक्तीले जनही ६ करोड ७८ लाख ७० हजार १ सय १६ रुपैया जरिवाना र एक एक बर्ष कैद सजाय रहेको कार्यालयका प्रमुख गोपी कोईरालाले जनाएका छन । उनीहरुले उक्त जरिवाना बराबरको रकम भर्न नसके १० बर्ष कैद सजाय भोग्नु पर्ने नेपाल सरकारको नियममा रहेको छ ।