संखुवासभा, ३० असार। संखुवासभाको सभापोखरी गाउँपालिका–२ की ७२ बर्षीय लोकमाया राईको खोलाले बगाएर मृत्यु भएको छ ।

गत बिहिबार साँझ ६ बजे बेलुकीको समयमा गाऊतिर घुमफिर गर्न गएको समयमा स्थानीय खहरे खोला बगाउँदा उनको मृत्यु भएको संखुवासभाका प्रनाउ श्याम सारुमगरले बताउनुभयो ।

उहाँको अनुसार, खहरे खोलाले तीन सय मिटर बगाएको र खोल्साको पानीमा ढुङ्गामा अडकिएको अवस्थामा स्थानीयले देखेपछि अस्थायी प्रहरी चौकी धूपूमा खबर गरेका थिए ।

बिहिबार बेलुकी घर नफर्किएपछि रातभर र शुक्रबार ब्यापक खोजीगरेपनि शनिबार विहान मात्रै उनको शव खोला किनारमा फेला परेको प्रनाउ सारुमगरले जानकारी दिनुभयो ।

उनको शव पोष्टमार्टमका लागि सदरमुकाम खाँदबारीस्थ्ति जिल्ला अस्पतालमा ल्याइएको र आवश्यक कानुनी प्रक्रिया भईरहेको प्रहरीको भनाई छ । उक्त घटना स्थल खाँदबारी करिब ३० किलोमिटर पूर्वउत्तरमा पर्दछ ।