चितवन, ३० असार । चितवनको नारायणी नमुना माध्यामिक विद्याललाई आज एक कार्यक्रमकाबीच खेल सामाग्री हस्तान्तरण गरिएको छ ।
चितवन महानगरपालिकाकी मेयर रेणु दाहालले शनिवार पुष्पतारा केडिया सेवा संस्था  एवं वृज सिमेन्ट इण्डष्ट्रिज प्रा. लि.ले प्रायोजन गरिएको फुटबल सामाग्री हस्तान्तरण गरेकी हुन् ।  उनले विद्यालयका प्राचार्य पूर्ण दवाडीलाई फुटबल सामाग्री प्रदान गरेकी थिइन् । कार्यक्रममा मेयर दाहालले विद्यार्थीको सर्वाङ्गिण बिकासमा खेलकुद अति महत्वपुर्ण भएकाले नीजि क्षेत्रमा यसको संलग्नता अपरिहार्य भएको बताइन् । नारायणी नमुना माध्यमिक बिद्यालय भरतपुर चितवनमा करीब ३ हजार बिद्यार्थी अध्ययनरत छन भने कक्षा १२ सम्म पढाई भइरहेको छ ।
कार्यक्रममा विद्यालयका प्राचार्य दवाडीले नेपाली फुटबल खेलमा सवैको सहयोगको प्रशंसा गर्दै आगामी दिनमा पनि थप सहयोग हुने विश्वास व्यक्त गरे ।