भक्तपुर ७ साउन । बि एण सि टिचिङ अस्पतालका कार्यकारी निर्देशक दुर्गा प्रसांईले बंगलादेशमा चिकित्सक अध्यनमा गएका नेपाली चेलीको विषयमा दिएको अभिव्यिक्तिको मूल मर्म तोडमोड गरी सामाजिक सञ्जालमा भाईरल बनाएको बताउनु भएको छ ।

रफत सञ्चार क्लबमा आयोजित साक्षात्कार कार्यक्रममा बोल्दै प्रसांईले तेह्र चौध महिना अघि एक कार्यक्रममा बंगलादेशमा अध्यन गर्न जाने नेपाली चेलीहरुको अवस्था र उनीहरुको शोषणका विषयमा दिएको अभिव्यिक्तिलाई हाल आएर उक्त अभिव्यिक्तिको मर्म तोडमोड गरि सामाजिक सञ्जालमा भाइरल बनाएको आरोप लगाउनु भयो ।

उहांले आफूले भन्न खोजेको विषयलाई तोडमोड गरेर विबादमा तान्न खोजिएको बताउदैं उक्त भनाईको आशय सामाजिक सञ्जालमा आएको जस्तो नभएको बताउनु भयो । उहाँले आफ्नो भनाई बंगलादेशमा अध्ययन गर्न जाने चेलीहरुलाई नेपालमौ अध्यनको वातावरण श्रृजना गर्न सके राम्रो रहने र त्याँ उनीहरुले विभिन्न खालको शोषणको सामना गर्नु पर्ने अवस्थाको अनत्य हुने रहेको बताउनु भयो ।

उहाँले बंगलादेशमा अध्ययन गर्न गएका चेलीका विषयमा लिएर आफ्नो अभिव्यिक्तिको मर्म सामाजिक सञ्जालमा आएको जस्तो नरहेको बताउँदै यसले पर्न गएको असर प्रति क्षमा माग्नु भयो ।

चिकित्सा विधेकका बारे उहाँले संविधान र कानुन बमोजिम सरकारले निर्णय गर्ने बिषय भएकाले अफुले यो विषयमा बोल्ने उपयुक्त नहुने बताउनु भयो ।

गोबिन्द केसीको अन्दोलनका बारे आफूले बोल्नु पर्ने विषय नभएको र सरकारले नै उनको माग सम्बोधन गर्ने वा के गर्ने भन्ने विषय रहेको उहांले बताउनु भयो ।