काठमाडौं ८ साउन । विवास्पद अभिब्यक्ति दिएको भन्दै नेपाल कम्युनिष्ट पार्टीले कानून तथा संसदीय मामिलामन्त्री शेरबहादुर तामाङको सरकारबाट फिर्ता सगै अब उनको स्थानमा नयाँ मन्त्री ल्याउने तयारी गरेको छ ।
पार्टीले औपचारिक रुपमा कुनै निर्णय नगरिसकेको भएपनि नेताहरुबीच भानुभक्त ढकाल र कृष्णभक्त पोखरेलमध्ये एक जनालाई मन्त्री बनाउने विषयमा छलफल भइरहेको एक स्रोतले जानकारी दिएको छ ।
दुई जनामध्ये एक जनालाई छानेर आजै शपथ खुवाउने तयारी रहेको स्रोतको दाबी छ । तत्कालिन एमालेका नेता ढकाल मोरङ क्षेत्र नम्बर ३ मा संघीय संसदमा निर्वाचित बनेका हुन् भने पोखरेल चितवन क्षेत्र नम्बर २ बाट निर्वाचित सांसद हुन् ।
प्रतिक्रिया दिनुहोस्