काठमाडौं,१८ साउन । नेदरल्यान्ड्सविरुद्ध दोस्रो एकदिवसीय खेलमा नेपालले पहिले ब्याटिङ गरिरहेको छ।
नेदरल्यान्ड्सको भिआरए मैदानमा नेपालले टस जितेर पहिले ब्याटिङ गर्ने निर्णय गरेको हो। भिआरए मैदानमा घाम लागेको छ भने तापक्रम २६ डिग्री सेल्सियस रहेको छ।
यसअघि बुधबार भएको पहिलो एकदिवसीय खेलमा नेपाललाई नेदरल्यान्ड्सले ५५ रनले पराजित गरेको थियो।
नेपालले दोस्रो खेलमा जित निकाल्दै सिरिज बराबरी गर्ने लक्ष्य बनाएको छ। कप्तान पारस खड्का दोस्रो खेलबारे भन्छन्,’ब्याटिङमा थेरै सम्हालिएको भए पहिलो खेल सजिलै जित्न सक्थ्यौं। तर त्यस्तो हुन सकेन। दोस्रो खेल राम्रो ब्याटिङ गर्नेमा आशावादी छु।’
प्रतिक्रिया दिनुहोस्