काठमाडौं, २८ साउन । इटालीमा पहिलो एनआरएनए इन्टर सिटी फुटबल टुनामेन्ट सम्पन्न भएको छ ।
गैरआवासीय नेपाली संघ इटालीले आयोजना गरेको फुटवल टुर्नामेन्टमा इटालीका विभिन्न सहरमा बस्दै आएका नेपालीहरुबीच प्रतियोगिता भएको हो । अगस्ट ११ र १२ मा भएको प्रतियोगितामा ७ बटा सहरहरुबीच प्रतिस्पर्धा भएको हो ।

नेपाल मितेरी मंच मिलानो रेड र मितेरी मंच मिलानो ब्लुबीच भएको अन्तिम खेलमा मिलानो ब्लुलाई ५–१ गोल अन्तरले हराउदै मिलानो रेडले उपाधि उचालेको छ ।

बिजयी पहिलो दोस्रो र तेस्रो टिमलाइ शिल्ड र प्रमाण पत्रले पुरस्कृत गरीएको छ । यसैगरी प्रतियोतितामा उत्कृष्ट खेलाडी र उत्कृष्ट गोलकर्ताको उपाधि नेपाल मिलानो रेड टिमका समीर ओकियालाई प्रदान गरिएको छ । उनले प्रतियोगितामा ८ गोल गरेका थिए । उनलाइ ट्रफिका साथ नेपालका लागी रोमका राजदुत पाउल्लो नुगारीले दुई तर्फीको हवाइ टिकट प्रदान गरेका छन् ।