काठमाडौँ, ३ भदौ । पाकिस्तानी नागरिक जबिर मोती पक्राउ परेका छन् ।  अन्डरवर्ल्ड डन दाउद इब्राहिमको डी–कम्पनीको आर्थिक कारोबार सम्हाल्दै आएका  मोती पक्राउ परेका हुन ।

लण्डनस्थित हिल्टन होटलबाट उनलाई ब्रिटेन सुरक्षा एजेन्टीले पक्राउ गरेको अन्तर्राष्ट्रिय समाचार संस्थाहरुले जनाएका छन् । मोती पक्राउ परेसँगै डि–कम्पनीको आर्थिक लेनदेन र दाउदसँग जोडिएका कयौं जानकारीहरु पाउन सकिने विश्वास प्रहरीले लिएको छ ।

मोती १० वर्षे भिषामा ब्रिटेन पुगेका थिए । दाउद पत्नी महजबिन, छोरी महरिन र ज्वाईँ जुनैदबीच वित्तिय लेनदेनको जाँचपछि उनलाई हिरासदमा लिइएको समाचारहरुमा जनाइएको छ ।

जुनैद पूर्व पाकिस्तानी क्रिकेटर जावेद मियाँदादका छोरा हुन् । मोतीले पाकिस्तान, मिडल इस्ट, यूके, यूरोप, अफ्रिकसहित दक्षिण पूर्वी एसियाका देशहरुमा दाउदको आर्थिक कारोबार हेर्ने गरेका थिए । एजेन्सी