काठमाडौं, २० भाद्र । सिआरएस नामक अन्तराष्ट्रिय गैह्रसरकारी संस्थाको आर्थिक सहयोगमा गोरखाको एक गैर सरकारी संस्थाले नमुना घर निर्माणको नाममा ‘ब्रमलुट’ मच्चाएको छ ।  सिआरएसको आर्थिक सहयोगमा नमुना घर निर्माणको नाममा जिल्लाको गैरसरकारी संस्था ‘पद्धती बिकास सेवा केन्द्र’ ले ‘ब्रमलुट’ मच्चाएको स्थानियले आरोप लगाएका लगाएका हुन।

२०७२ सालमा गोरखाको वारपाक केन्द्रविन्दु् भएर गएको भुकम्पका पिडितहरुलाई सहज होस भनेर सिआरएसको आर्थिक सहयोगमा नमुना घर निर्माणको सुरु गरिएको थियो । गएको बैशाक महिना देखि नमुना घर निर्माणको काम थालेको पद्धतीले करिव ५० दिन भित्र निमार्ण सम्पन्न गर्नुपर्ने नमुना घर ५ महिना बित्नै लाग्दा समेत आधा काम समेत सकेको छैन् । भुकम्प प्रतिरोधी घर निर्माण गर्न सजिलो होस भन्ने ध्येयका साथ बनाउन लागिएको नमुना घर अहिलेसम्म निर्माण हुन नसक्दा त्यसको औचित्यमाथी नै प्रश्न उठ्न थालेको छ।