रौतहट, २१ भाद्र । भारतबाट अवैध रुपमा ल्याउदै गरेको कुखुरा रौतहट प्रहरीले बिहीबार पक्राउ गरि नष्ट गरेको छ ।
५ वर्ष पहिले नै बन्द भएको पोल्ट्री फर्मको नक्कली विल बनाएर भारतबाट अवैध रुपमा नेपाल भित्रियाएको ४० वटा जिउदो कुखुरा पक्राउ गरि फतुवा विजयपुर नगरपालिकाका वडा–९ का अध्यक्ष दिप नारायण चौधरीको रोहवरमा खाल्डो खनेर नष्ट गरेको इलाका प्रहरी कार्यालय विजयपुरका प्रमुख प्रहरी निरिक्षक विकास थपलियाले बताए ।
उनका अनुसार बौद्धीमाई नगरपालिका–७ बंकुलमा रहेको नितेश पोल्ट्री फर्मको नामको नक्कली विल बनाएर ना १६ प ६३७९ नम्वरको मोटरसाइकलमा भारतबाट सो परिमाणको जिउदो कुखुरा ल्याउदै गरेको अवस्थामा पक्राउ परेको बताए ।
साथै मोटरसाइकल चालकले भने नक्कली बिल प्रहरीलाई दिदैं पानी खाने निहँु पारेर फारार भएको र थप अनुसन्धानकालागि मोटरसाइकल आफुहरुको नियन्त्रणमा रहेको प्रहरी निरिक्षक थपलियाले जानकारी दिएका छन् ।
प्रतिक्रिया दिनुहोस्