काठमाडौ, २३ भाद्र । गोरखा काठमाडौं सम्पर्क मञ्चको आयोजनामा शनिवार गोगंबु रोयल काठमाडौं होटेलमा सहिद स्मृति सभा सम्पन्न भएको छ ।
जनयुद्धका शहीद क. सुरेश वाग्ले (बासु) क. भिमसेन पोखरेल (बैरागी) क. विजय खनाल (दर्शन) को स्मृति सभा मनाईएको हो ।
कार्यक्रममा प्रमुख अतिथि नेकपाका प्रतिनिधि सभाका सासंद चुडा खड्का (प्रकाश) र विशेष अतिथि पुर्व राज्य मन्त्री छम बहादुर गुरूङ उपस्थिति रहेको थियो ।

स्मृति सभामा शहीद बाशुकी जीवन संगिनी र छोरी मन्जु बुहारी र शहीद भिमसेनका दाजुको उपस्थित तथा पुर्व योजना आयोगका उपाध्यक्ष साथै बिभिन्न बौद्धिक वर्ग र गोरखा बाट काठमाडौंलाई कर्मथलो बनाएका विभिन्न ब्यक्तिहरुको उपस्थिति रहेको थियो ।
स्मृति सभालाई सम्बोधन गर्दै नेकपा का केन्द्रीय सदस्य तथा प्रतिनिधि सभाका सासंद चुडा खड्का (प्रकाश) ले बासु जस्तो महान नेता गुमाउद हामी गोरखाले मात्रै हैन देशलेनै ठुलो क्षेति भएको भन्दै अब हिजो जनयुद्धमा उठाएको मुद्दा र शहीदहरूले जन मुद्दा को लागी बगाएको रगतको सही सदुपयोग गर्नु पर्ने बताउनुभयो ।

उहाँले अब हामी एनेकपाले नयाँ ढंगले सोच्नु पर्ने समय आएको बताउदै पार्टी नयाँ कोर्समा प्रवेश गरेको र अब हामी पार्टीलाई अझै मजबुत तरिकाले एकता गरेर जानुपर्ने बताउनुभयो । अब गोरखाका शहीद परिवार तथा घाइतेहरुलाई पार्टीले उचित मुल्याँकन गरेर जाने समेत बताउनुभयो ।

यो सरकार पाच बर्षको मात्र होइन पचास बर्षको लागि हो त्यसैले यसले जनताका हरेक मुद्धामा सरकार गम्भिर भएको र गोरखाको बिकासको लागी कुनै पनि कसुर नराख्ने सासंद खडकाले बताउनुभयो ।