काठमाडौं, २० भदौं । विभिन्न देशका सुन तस्करले नेपाललाई ट्रन्जिट बनाउँदै आएको कुरा नौलो होइन । केही समयम अगाडी मात्र प्रहरीले त्रिभूवन अन्तराष्ट्रिय विमानस्थलबाट ३३ किलो बरामद गरेको थियो । त्यो घटनाक्रम अझै सेलाउन पाएको छैन । विमानस्थलबाटै अवैध रुपमा ३३ किला नेपाल भित्रिएको भन्दै विरोध भइरहेको बेला प्रहरीले अहिलेसम्मकै सबैभन्दा बढी ८८ किलो सुन बरामद गरेको छ ।

नेपाल प्रहरीको महानगरीय अपराध अनुसन्धान महाशाखाको टोलीले रसुवाको केरुङ नाकाबाट अवैध रुपमा भित्रिएको ८८ किलो सुन काठमाडौको क्षेत्रपाटीबाट बरामद गरेको छ । बा १७ च ६४२७ नम्बरको गाडीमा राखिएको अवस्थामा ४२ करोड बराबरको सुन सहित गाडी चालकलाई समेत प्रहरीले प्रक्राउ गरेको छ ।

रसुवाको केरुङ नाकाबाट अबैध सुन भित्रिएको बिषेश सूचना पाएपछि अपराध अनुसन्धान महाशाखाले डीएसपी नगेन्द्रप्रसाद उप्रेतीको नेतृत्वमा प्रहरी टोली परिचालन गरेको थियो । सुन बोकेको बा १७ च ६४२७ नम्बरको टाटा सफारीलाई प्रहरीले २ दिनदेखी निगरामीना राखेको थियो । तर, गाडी भने आइतबार दुई बजे राती मात्र पक्राउ परेको हो । क्षेत्रपाटीको सडकमै पार्किङ गरिएको अवस्थामा प्रहरीले गाडी, सुन र चालकलाई पक्राउ गरेको हो ।

चालकले गाडी चलाउन खोज्दा प्रहरीेले गाडी सहित मकवानपुर गढि गाउँपालिका वडा नम्बर ५ का २४ वर्षका मनोज अधिकारीलाई प्रक्राउ गरेको हो । गाडी र चालकलाई नियन्त्रणमा दिएर चेकजाच तथा खानतलासी गर्दा बा १७ च ६४२७ नम्बरको टाटा सफारीमा ८८ केजी सुन फेला परेको महानगरीय अपराध अनुसन्धान महाशाखाका एसपी दिवेश लोहोनीले बताए । यो अहिलेसम्मकै ठूलो परिणाममा अवेध सुन वदामद भएको हो ।

प्रहरीका अनुसार बरामद गरिएको सुनको मुल्य ४३ करोड भन्दा बढि रहेको छ । उक्त सुन भिक्राउनका लागि चिनियाँ नागरिक र नेपालको केही समुहको हात हुन सक्ने प्रहरीले अनुमान गरेको छ । प्रहरीले चालकमाथि थप अुनुसन्धान भइरहेको जनाएको छ । तर, सुन तस्करीमा क–कस्को संलग्नता रहेको छ भन्ने अझै खुल्न सकेको छैन ।