पोखरा ३० भाद्र । कास्की जिल्ला फुटवल संघ एन्फा कास्कीले शनिबारदेखी पोखरा रंगशालामा ग्रास रुट लेभलको प्रशिक्षण सुरु गरेको छ ।

अखिल नेपाल फुटवल संघ र फिफाको कार्यक्रम अन्तर्गत सुरु भएको प्रशिक्षण कार्यक्रममा कास्कीका ८ सय बढी वालवालिकाहरुको सहभागीता रहेको छ । कास्कीको ग्रामीण भेगदेखी लिएर पोखरामा रहेका विभिन्न विद्यालय, संघ सस्था तथा क्लवहरुमा आवद्ध ३५ बढी संस्थाका ८ सय वढी प्रशिक्षार्थीहरुले शनिवारदेखी पोखरा रंगशालामा ग्रास रुट लेभलको प्रशिक्षणमा सहभागीता जनाएका हुन ।

एन्फाले नेपालको ४५ वटा जिल्लामा सञ्चालन गरेको कार्यक्रम अनुसारनै कास्कीमा पनि ग्रास रुट लेभलको फुटवल प्रशिक्षणको सुरुवाता गरिएको एन्फा कास्कीका उपाध्यक्ष तथा ग्रास रुट लेभल फुटवल प्रशिक्षण कार्यक्रमका संयोजक इश्वर गुरुङ चन्द्रले वताए ।

पूर्व राष्ट्रिय फुुटवल खेलाडी समेत रहेका गुरुङले आफुहरुको पालोमा ग्र्रास रुट लेभलको फुटवल प्रशिक्षण नहुने गरेको र त्यो वेला फुटवलमा त्यति धेरै युवाहरुले चासो नदिने गरेको वताउदै एन्फाले सञ्चालन गरेको ग्रास रुट लेभलको फुटवल प्रशिक्षण कार्यक्रमले निकट भविष्यमा फुटवलका खेलाडीहरु उत्पादनमा ठूलो टेवा पुग्ने वताए ।

ग्रास रुट लेभलको फुटवल प्रशिक्षण कार्यक्रममा पोखरा पुगेका अखिल नेपाल फुटवल संघ एन्फाका मानार्थ उपाध्यक्ष शिक्षीत पराजुलीले एन्फाको केन्द्रिय कार्यक्रम अन्तर्गत खेलकुदको राजधानी पोखरामा पनि ग्रास रुट लेभलको फुटवल प्रशिक्षण सुरु भएको र प्रशिक्षणमा ८ सय वढी वालवालिकाहरुले सहभागीता जनाउदा आफुहरु निकै खुसी भएको वताए ।

एन्फाले हरेक जिल्लाबाट फुटवल खेलाडी उत्पादन गर्नुपर्छ भन्ने अभिप्रायले फिफाको कार्यक्रम लिएर नेपालको ४५ वटा जिल्लामा ग्रास रुट लेभलको फुटवल प्रशिक्षण शुरु गरेको वताउदै यस्ता कार्यक्रमले निकट भविष्यमा हरेक जिल्ला र स्थानिय तहबाट पनि राष्ट्रिय स्तरको फुटवल खेलाडी उत्पादनमा मदत पुग्ने समेत पराजुलीले वताए ।

शनिवार देखी सुरु भएको ग्रास रुट लेभलको फुटवल प्रशिक्षणमा पोखरा शहरमात्र नभइ छिमेकी गाउदेखी समेत फुटवल प्रेमी वालवालिकाहरुले सहभागीता जनाएका छन ।

पोखराको नजिकै रहेको पुम्दीभुम्दी स्तुपाबाट पोखरा रंगशालामा जारी ग्रास रुट लेभलको फुटवल प्रशिक्षणमा सहभागी हुन आएका ११ वर्षिय विनोद बिकले आफुहरु गाउमा खेतबारीमा फुटवल खेल्दै आइरहदा एन्फा कास्कीले आफुहरुजस्तो ग्रामीण भेगमा बसोवास गर्ने फुटवल प्रेमीहरुलाई पनि प्रशिक्षणमा सहभागीता गराउदा निकै खुसी लागेको वताए ।

बिकले एन्फाले यसरी ग्रास रुट लेभलको फुटवल प्रशिक्षणलाई निरन्तरता दिएर फुटवलको बारेमा थप जानकारी लिन पाउदा निकट भविष्यमा राष्ट्रिय स्तरको खेलाडी वन्न सक्ने विश्वास लिएको समेत वताए ।

ग्रास रुट लेभलको प्रशिक्षणका लागी पोखरा रंगशाला निर्माणधिन अवस्थामा रहेकाले केही अफ्ठेरो स्थिती आइपरेको भएतापनि पोखरा महानगरपालिका संघ सहकार्य गरेर विभिन्न वडाहरुमा खेलमैदान निर्माण गरी ८ वटा खेल मैदानलाई प्रयोग गरी ग्रास रुट लेभलको फुटवल प्रशिक्षण कार्यक्रमलाई निरन्तरता दिने एन्फा कास्कीले जनाएको छ ।