बुटवल, असोज ।
एविसी मिडिया ग्रुपले संचालन गरेको एविसी न्युज टेलिभिजनको १० औ बार्षिक उत्सवको अवसरमा प्रदेश नम्बर ५ व्यूरो कार्यालयले विभिन्न व्याक्तिहरुलाई सम्मान गरेको छ । एबिसीको सम्मानमा विगत लामो समय देखि राजनीतिक क्षेत्रमा क्रियाशिल, व्यवसायीक प्रतिष्ठित व्यक्तिहरु र गीत संगीतको क्षेत्रमा लागेका व्यक्तित्वहरु परेका छन् ।
बार्षिक उत्सवको अवसर पारेर टेलिभिजनकले पाल्पा जिल्लाका पुर्व जिल्ला सभापती, लोकसंगित सर्जक तथा राजनीतिज्ञ झपेन्द्र जिसी, प्रदेश सभा सदस्य तथा बुटवल उप–महानगरपालिका पुर्व मेयर भोज प्रसाद श्रेष्ठ, उद्योगी गोपाल बहादुर पोखरेल, समाजसेवी रोमणी प्रसाद पाठक र जनगायक जीवन शर्मालाई सम्मान गरिएको हो ।

सम्मानीत ब्यक्तित्वहरुलाई प्रदेश नम्बर ५ प्रदेशसभाका सभामुख पुर्ण बहादुर घर्ती, एविसी न्युज टेलिभिजनका सम्पादक राजन पौडेल र प्रदेश व्युरो प्रमुख शरण कर्माचार्यले प्रमाणपत्र, मायाको चिनो र दोसल्ला ओढाएर सम्मान गरेका थिए ।
बार्षिकोत्सव कार्यक्रममा बोल्दै समाजसेवी रोमणी प्रसाद पाठकले एबिसीले सम्मान गरेर आफुलाई समाजसेवामा अझै प्रेरणा थपिदिएको बताउनुभयो ।
प्रदेशसभा सदस्य भोजप्रसाद श्रेष्ठले ऐतिहासिक महत्वले भरिपूर्ण बुटवललाई आफुले नक्सा मात्र कोरिदिएको र बुटवलको अस्तित्व जोगाउन अझै धेरै काम गर्न बांकी नै रहेको बताउनुभयो ।

सम्मानीत ब्यक्तित्वहरुको जिवनी तथा योगदानका बिषयमा लोक गायक डिल्लीनाराण पाण्डे र बुटवल उद्योग बाणिज्य संघका पूर्व अध्यक्ष नवराज श्रेष्ठले प्रकाश पार्नुभएको थियो ।