काठमाडौ,१० असोज । मंगलबार साँझ सिरहाको लहानबाट अपहरण भएको भनिएका डाक्टर प्रहरीले फेला पारेको छ ।

डाक्टर सुभाष यादवलाई राति ११ बजे प्रहरीले फेला पारेको हो ।
उनकी श्रीमतीले सिरहा प्रहरीलाई आफ्नो श्रीमान अपहरणमा परेको जानकारी गराउनासाथ प्रहरीले राजमार्गमा सुरक्षाव्यवस्था कडा पार्यो ।

सर्लाहीको नवलपुरमा भेटिएका डाक्टरले आफ्नी प्रेमिकासँग बस्नका लागि अपहरण शैलीमा भाग्न खोजेको रहस्य खुलेको छ ।
मंगलबार साँझ बजार घुम्न निस्किएका डाक्टर जिपमा चढेर एकाएक गयाब भएका थिए ।

राजमार्गमा गुड्ने सवारीसाधन चेकजाँचको क्रममा प्रहरीले अपहरणमा परेका डाक्टर मोटरसाइकलको पछाडि बसेको अवस्थामा फेला पारेको हो ।

उनकी श्रीमतीले प्रहरीलाई हुलियासहित अपहरणमा परेको जानकारी गराएपछि प्रहरीले अड्कल काट्यो नभन्दै अपहरणमा परेका डाक्टर नवलपुरमा म २ प ८२८६ नम्बरको मोटरसाइकलमा फेला परे ।

नवलपुर प्रहरीले उनलाई लहान प्रहरीको जिम्मा लगाएको छ । डाक्टरलाई नियन्त्रणमा लिएर अनुसन्धान थालेको सिरहा प्रहरी प्रमुख एसपी जीवन श्रेष्ठले जानकारी दिएका छन ।