काठमाडौ,१० असोज । पोखरा २२ पुम्दीभुम्दी कोदीकी १० वर्षीया श्रेया विकलाई बलात्कारपछि हत्या भएको पुष्टि भएको छ ।

प्रहरीले हत्यामा संलग्न व्यक्तिलाई पक्राउ समेत गरेको छ । पश्चिमाञ्चल स्वास्थ्य विज्ञान प्रतिष्ठानको पोष्टमार्टम रिपोर्ट अनुसार श्रेयाको बलात्कारपछि हत्या भएको पुष्टि भएको हो ।

बलात्कारपछि उनको हत्या गरेको अभियोगमो सोही ठाउँका २७ वर्षीय कुशम पौडेललाई प्रहरीले पक्राउ गरेको छ ।

प्रहरी स्रोतका अनुसार कुशुमले बलात्कार र हत्यामा संलग्न रहेको स्वीकार गरिसकेका छन् । कास्की प्रहरीले घटनाबारे जानकारी दिन बुधबार दिउसो २ बजे पत्रकार सम्मेलनको आयोजना गरेको छ ।

प्रहरीलाई प्राप्त घटना विवरणमा घरबाट बिस्कुट किन्न निस्केकी श्रेयालाई छिमेकी पौडेलले बाटोमा भेटेर रक्सी र गाँजाको तालमा रहेका उनले श्रेयालाई १० रुपैयाँ दिएर समोतेका थिए ।

श्रेया चिच्याउन थालेपछि उनले घाँटी दाबेर झाडीमा फाले । अचेत बनेकी श्रेयाको बलात्कारपछि उनले ढुंगाले थिचेर हत्या गरेका थिए ।

हत्यारालाई कारबाहीको माग गर्दै पोखरामा प्रदर्शन हुँदैछ । प्रदर्शनकारीले जिल्ला प्रहरी कार्यालय अगाडि आएर हत्यारालाई कडा कारवाही गर्नु पर्ने माग गर्दै नाराबाजी गर्ने कार्यक्रम रहेको छ ।