एजेन्सी,१३ असोज । फुटबल खेलाडी क्रिस्टियानो रोनाल्डोलाई एक महिलाले आफुलाई बलात्कार गरेको आरोप लगाएकी छन् । पोर्चुगल तथा युभेन्ट्सका सुपरस्टार फुटबल खेलाडी रोनाल्डोलाई ३४ वर्षीया महिलाले यस्तो आरोप लगाएकी हुन ।

जर्मन सञ्चारमाध्यम डेर स्पिगेललाई क्याथरिन म्योग्राले रोनाल्डोले उनीमाथि बल प्रयोग गरेर करणी गरेको आरोप लगाएकी छन् । म्योग्राका अनुसार सन् २००९ मा रोनाल्डोले लस भेगासको एक होटलमा आफुलाई बलात्कार गरेको बताइन् ।

उनले घटना सामसुम पार्न रोनाल्डोले ३ लाख ७५ हजार अमेरिकी डलर दिँदै घुँडा टेकेर मुद्दा नहाल्न सम्झौता गरेको म्योग्राको दाबी रहेको छ । उनले भनिन्, ‘मलाई ३ लाख ७५ हजार अमेरिकी डलर अफर गर्दै मुद्दा नहाल्न विन्ती गरेका थिए । तर ,रोनाल्डोले भने सो सम्बन्ध सहमतिमा गरेको बताउँदै आएका छन् ।

पत्रिकाका अनुसार रोनाल्डोलाई ती महिलाले पटक –पटक हुँदैन रोक भन्दाभन्दै पनि उनले जबरदस्ती गरेको उल्लेख गरेको छ । रोनाल्डोका वकिल सेच्र्ज बग्र्मानले सो कुरामा कुनै सत्यता नरहेको बताए ।