इन्दिरा खनाल, टोकियो, जापान १५  असोज ।  नेपाली साहित्यलाई अन्तराष्ट्रिकरण गर्ने भन्दै जापानको टोकियोमा एक दिने नेपाली हाईकु महोत्सव सम्पन्न भएको छ । जापान नेपाल बिचको आत्मियता अझै प्रगाढ बनाउन हाईकु सम्मेलन गरिएको आयोजक नेपाल हाइकु केन्द्र तथा नेपाल साहित्य समाज जापानले दाबी गरेको छ ।
केन्द्रको च्याप्टरको आयोजनामा सम्पन्न महोत्सवमा बिभिन्न देशका हाइकुकार सहित जापानी साहित्यकारको उपस्थीति रहेको थियो । नेपाल हाईकु केन्द्रका अध्यक्ष प्राध्यापक रामकुमार पाडेँ सहित अश्वीनी कोईराला,शिरोमणि दवाडी,किरण पौडेल,बिजयराज आचार्य, साहित्यकार कृष्ण बजगाँइ प्रभा बरालको समेत कार्यक्रममा सहभागीता रहेको थियो । जापानी र नेपाली हाईकुकारको सहभागीताले साहित्यमय र मिठासपूण बनेको हाइकु सम्मेलन जापानमा पहिलो पटक गरिएको हो ।

लगातारको झरि र त्यसपछि बनेको चिसो मौसमका बिच टोकियोमा आयोजित कार्यक्रममा ९ वटा कृति बिमोचन गरिएको थियो । महोत्सवमा ‘रातो साकुरा’कुमारी रात’ ‘नीलो आशुँ’ ‘बुट्टे किमोनो’ ‘ छ हास्ताक्षर’ ‘ नाईलाको साहारा’ ‘ फूजीको फेद’ हण्डिंग हाईगा’ ‘ हाईकु पत्रिका’लगाएतका ९ कृति समेत एकै पटक बिमोचन गरिएको थियो ।

महोत्सवलाई सम्बोधन गर्दै प्रमुख अतिथि जापानका लागि नेपाली राजदुतावास टोकियोका उपनियोग प्रमुख कृष्ण चन्द्र अर्यालले नेपालीले लेखेका राम्रा थु्प्रै रचनाहरु जापानी भाषामा पनि लेखेर या अनुवाद गरेर बुझाउन सकिने बताउनुभयो । कार्यक्रममा एनआरएनए आईसिसि अध्यक्ष भवन भट्टले नेपाललाई चिनाउन साहित्य पनि माध्यम बन्न सक्ने बताउनुभयो । कार्यक्रममा नेपाल हाईकु केन्द्रका अध्यक्ष राम कुमार पाडेँले कार्यपत्र प्रस्तुत गर्नुभएको थियो भने पाण्डेको कार्यपत्रमाथि जापानी साहित्यकार तथा नेपाली भाषाका प्रशिक्षक हारुहितो नोजु र सल्लाहाकार तिलक मल्लले टिप्पणी गर्नुभएको थियो।

कार्यक्रममा अनेसासका केन्द्रिय उपाध्यक्ष प्रकाश पौडेल माईला,एनआरएनए आईसिसी प्रबक्ता भुषण घिमिरे, अनेसास जापानका संस्थापक अध्यक्ष डा.कुमार बस्नेत,नेपाली भाषा र साहित्यलाई माया गर्ने जापानी हारुहित नोजु,मायासुकी लगाएतले आ आफ्नो धारणा राख्नुभएको थियो ।। दुई सेसनमा गरिएको कार्यक्रममा पुर्व अध्यक्ष बेलुकाजी थापाको स्वागत मन्त्ब्य एवम सल्लाकार धिषण निरौला र सचिव रविन शर्माको जापानी र नेपाली भाषा सहित संचालनमा सम्पन्न भएको थियो।

जापानी हाइकुकारले मायाको चिनो स्वरुप रामकुमार पाडेँलाई हाईकु लेखिएको कप र खादा हस्तान्तरण गरे । नेपाल र जापान बिचको सम्बन्धलाई नजिक र प्रगाढ बनाउन र अन्तराष्ट्रिकरण गर्ने बिषयमा ८ बुदेँ घोषणा पत्र जारी गरि महोत्सव सम्पन्न भएको थियो ।