रौतहट,१० कात्तिक । रौतहट जिल्लाको एक पुरानो व्यापारीक केन्द्रको हाट बजार लाग्ने स्थानमा आगलागि भएको छ । शनिबार दिउसो सो बजार लाग्ने स्थानमा एक्कासी आगो सल्कदा हाटबजार लाग्ने स्थानका छाप्रा जलेका हुन् ।

रौतहटको कटहरिया बजारमा भएको आगलागीमा लाखौको छाप्रा जलेर नष्ट भएको स्थानीय बासिन्दाले जानकारी दिएका छन । कटहरिया नगरपालिका ५ स्थित बर्षौदेखी लाग्दै आएको हाट बजार लाग्ने स्थानमा भएको आग लागीबाट १ सय ६५ वटा घर टहरा जलेर नष्ट भएको ईलाका प्रहरी कार्यालय कटहरियाले जानकारी दिएको छ ।

आगलागी गौर नगरपालिको दमकल,प्रहरी र स्थानीय बासिन्दाको सक्रियता नियन्त्रणमा ल्याउइएको ईलाका प्रहरी कार्यालय कटहरियाले जानकारी दिएको छ । हाट बजार नभएपनि हाट बजार लाग्ने घर टहरा जल्दा १५ लाख बढीको धनमाल नष्ट भएको ईलाका प्रहरी कार्यालय कटहरियाका प्रमुख आमोद कुमार यादवले जानकारी दिएका छन् ।

दिउसोको समयमा कसैले चुरो बिडी खाएर फालेको ठुटोका कारण आगलागी भएको हुन सक्ने ईलाका प्रहरी कार्यालय कटहरियाले जानकारी दिएको छ । हाट बजार लाग्ने छाप्रा नै जलेपछि हप्तामा दुईदिन आईतबार र बुधबार कटहरियामा लाग्ने हाट बजार प्रभावित हुने स्थानीय बासिन्दा राजु प्रसाद यादवले जानकारी दिएका छन् ।