दाङ, , १२ कात्तिक । तुलसीपुर बजारमा सुरक्षा निगरानीका लागि जडान गरिएका ‘सिसी क्यामेरा’ बिग्रिएका छन् । सिसी क्यामेराहरु लामोसमय सम्म मर्मत नहुँदा प्रयोगविहीन अवस्थामा छन् ।

बजारको शान्ति सुरक्षालाई मध्य नजरगदै तुलसीपुर बजारमा ३ बर्ष पहिले सिसि क्यामरा जडान गरीएको थियो । तर क्यामरा विग्रीएको १ बर्ष भन्दा बढि भई सक्दा पनि मर्मत भएका छैन । बजारको सुरक्षाका लागी तुलसीपुर उपमहानगरपालिका, उद्योग वाणिज्य संघ, प्रहरी र यस क्षेत्रका बैंकहरुको समन्वयमा सो क्यामराहरु जडान गरीएको थियो ।

जसको कन्टोल रुम इलाका प्रहरी कार्यालयमा राखीएको थियो । बजारमा हुने विभिन्न चोरी, दुर्घटना र बजारको निगरानिका लागि जडान गरीएका क्यामराहरु विग्रीएको लामो समय विति सक्दा पनि मर्मत नहुदाँ बजारमा सुरक्षा चुनौति थपीएको बताएको छ । सिसि क्यामरा जडानसंगै यस क्षेत्रमा हुने दुर्घटना र चोरी डकैतीका घटनाहरुमा कमि आएको थियो ।

क्यामराहरुको व्यवस्थापन कस्ले गर्ने भन्ने एकीन नहुदा पछिल्लो समयमा विग्रीएको लामो समय हुदाँ समेत सरोकार निकायहरु मौन छन् । करिव ७ लाख लागतमा पिटि जेट सिसि क्यामराहरु बजारका मुख्य चोक विपी चोक, विरेन्द्र चोक र बसपार्कमा जडान गरीएको थियो ।

सो क्यामरा चारै तिर धुम्ने भएका कारण विभिन्न स्थानको निगरानि सजीलैसंग प्रहरीले गर्ने गरेको थियो । तर पछिल्लो समयमा क्यामरा विग्रीय संगै सुरक्षामा पनि चुनौति थपीएको ईलाका प्रहरी कार्यालय तुलसीपुरका प्रहरी नायव उपरिक्षक प्रकाश सापकोटाले बताउनुभयो । सिसि क्यामरा जडान भएसंगै अपराध र विभिन्न घटनाहरुको अनुसन्धानमा सजिलो हुने सापकोटाले बताउनु भयो ।

प्रहरीलाई कुनै घटना, दुर्घटना भयो भने सिसि क्यामरा बाट पत्ता लगाउन सजिलो हुने सापकोटाको भनाई छ । ‘‘सिसि क्यामरा भयो भने हामीलाई अनुसन्धानमा सजिलो हुन्छ, जनशक्ति पनि कम लाग्ने थियो, हाल सुरक्षा चुनौति थपीएको छ’’ –सापकोटाले भन्नुभयो । उहाँले सिसि क्यामरा भयो भने अपराध गर्ने व्यक्तिहरुको पनि मनोवल घटने बताउनुभयो ।

त्यसैगरी तुलसीपुर उद्योग वाणिज्य संघका निर्वतमाण अध्यक्ष विमल रिजालले पहिले जडान गरीएका सिसि क्यामराहरुले काम गर्न छोडेको र बजारको सुरक्षाका लागि विभिन्न स्थानमा सिसि क्यामरा जडान हुन जरुरी रहेको बताउनुभयो ।

त्यस्तै तुलसीपुर उपमहानगरपालिकाका प्रमुख प्रशासकिय अधिकृत आनन्द शारुले छिट्टै मर्मत गर्ने बताउनुभयो । उहाँले भर्खरैमा उपहानगरपालिकाले बजार व्यावस्थापन समिती गठन गरेको र त्यहि समितीले नै सबै काम गर्ने बताउनुभयो ।