एजेन्सी ,२५ कात्तिक । टोकियो ओलम्पिक खेलका लागि एसियाली समूहको महिला फुटबल छनोटमा आज नेपालले म्यानमारसंग खेल्दैछ ।
पहिलो खेलमा भारतसंग १–१ गोलको बराबरी खेलेको नेपालले आज दोस्रो खेलमा आयोजक म्यानमारको सामना गर्न लागेको हो ।
म्यानमारको यांगोनस्थित थुवुना रंगशालामा नेपाली समय अनुसार आज साझ सवा ५ बजे खेल सुरु हुनेछ । म्यानमारले पहिलो खेलमा बंगलादेशलाई ५–० ले पराजित गरेको थियो ।
म्यानमार यो समूहबाट अघिल्लो चरण प्रवेशका लागि दाबेदार टोली हो । आजै हुने अर्को खेलमा भारत र बंगलादेश भिड्नेछन् । अंक तालिकामा म्यानमार शीर्षस्थानमा छ भने नेपाल दोस्रो र भारत तेस्रो स्थानमा रहेको छ ।
प्रतिक्रिया दिनुहोस्