काठमाडौं १३ पस । राष्ट्रिय प्रजातन्त्र पार्टीका अध्यक्ष एवम् पूर्व उपप्रधानमन्त्री कमल थापाले सरकारले लिएको अर्थ नीतिबाट मुलुकलाई समृद्ध बनाउन नसकिने दावी गर्नु भएको छ ।

अध्यक्ष थापाले मुलुकको समृद्धिको मुख्य आधारको रुपमा रहेको रेमिट्यान्सको सदुपयोग गर्न पनि सरकारको गम्भिर ध्यानाकर्षण गराउनु भयो ।

शुक्रबार काठमाडौंमा आयोजित ‘मुलुकको आर्थिक समृद्धिमा प्रवासी नेपालीहरुको भूमिका’ विषयक अन्तरक्रिया कार्यक्रममा बोल्दै उहाँले सरकारले लिएको समाजवाद उन्मुख अर्थनीतिको नारा आकर्षक भएपनि त्यसले मुलुकलाई समृद्ध बनाउन नसक्ने दावी गर्नु भयो ।

अध्यक्ष थापाले मुलुकलाई समृद्ध बनाउन प्रवासी नेपालीहरुको महत्वपूर्ण योगदान रहने विश्वास पनि व्यक्त गर्नु भयो । अध्यक्ष थापाले मुलुकको समृद्धिका लागि आफ्नो पार्टीले उदार अर्थ नीतिको पक्षपोषण गरेको पनि बताउनु भयो ।