काठमाण्डौं ५, असोज । मेक्सिको राजधानीमा मेक्सिको सिटी र आसपासका क्षेत्रलाई केन्द्र बिन्दु बनाएर शक्तिशाली भूकम्प गएको छ ।

७ दशमलब १ रेक्टर स्केलको शक्तिशालीको भूकम्पमा परी २ सय ४८ भन्दा बढीको मृत्यु भएको बिबिसीले जनाएकोे छ । भूकम्पपछि राजधानी मेक्सिको सिटीमा ठूलो त्रासको वातावरण बनेको छ । सर्वसाधरण सुरक्षित स्थानको खोजीमा सडक तथा खुल्ला स्थानमा बसेका छन । मेक्सिको सिटीका मेयर अनखेल मानसेराले यस भूकम्पबाट सहरका कम्तीमा २० वटा भवनमा क्षति पुगेको बताएका छन् । मेयरका अनुसार भूकम्पका कारण केही भवनमा आगो लागेको छ र त्यसमा कतिपय व्यक्तिहरू फसेका छन् । समाचारमा भूकम्प अत्यन्त तीव्र रहेको र भवनहरू एकदमै हल्लिएको बताइएको छ । भूकम्पमा मरेका व्यक्तिहरूको संख्या बढ्न सक्ने समाचारमा बताइएको छ । मेक्सिकोमा ३२ वर्षअगाडि गएको शक्तिशाली भूकम्पमा १० हजारको मृत्यु भएको थियो ।