एजेन्सी,१ चैत । न्यूजिल्याण्डको क्राइस्ट चर्चस्थित दुई मस्जिदमा बन्दुकधारीले गरेको आक्रमणमा परी ३० जनाको मृत्यु भएको छ ।

शुक्रबार नमाज पढ्नका लागि मस्जिदमा भीड बढेको मौका छोपेर भएको हमलामा कयौं हताहत भएका छन् । हमलामा कतिजना संलग्छन् छन् भन्ने प्रष्ट भइसकेको छैन । आक्रमणका बेला न्यूजिल्याण्ड भ्रमणमा रहेको बंगलादेशी क्रिकेट खेलाडी समेत मस्जिदमा पुगेपनि बंगलादेशी क्रिकेट खेलाडी सुरक्षित रहेको जनाइएको छ ।

आक्रमणको समयमा मस्जिदमा ३०० जनाभन्दा बढी मानिस प्रार्थना गरिरहेको बताइएको छ। आक्रमणमा संलग्न भएको आशंकामा प्रहरीले तीन पुरुष र एक महिलालाई नियन्त्रणमा लिएको छ। पक्राउ पर्ने मध्ये एकजनाले आत्मघाती भेष्टु लगाएको अवस्थामा नियन्त्रणमा लिइएको अधिकारीहरुले बताएका छन्।

राष्ट्रको नाममा सम्बोधन गर्दै प्रधानमन्त्री जेसिन्डा आर्डर्नले आजको दिनलाई न्यूजिल्यान्डको कालो दिनमध्ये एक भएको बताएकी छिन् ।