काठमाडौं, २१ चैत । (आइपीएल) इन्डियन प्रिमियर लिगमा मुम्बई इन्डियन्सले दोस्रो जीत निकालेको छ । बुधबार राति चेन्नई सुपर किंग्सलाई ३७ रनले हराउँदै मुम्बईले दोस्रो जीत निकालेको हो । मुम्बईले दिएको १७१ रनको लक्ष्य पछ्याएको चेन्नईले निर्धारित २० ओभरमा ८ विकेट गुमाएरु १३३ रन मात्र बनाउन सक्यो । उसका लागि केदार जाधवले सर्बाधिक ५८, सुरेश रैनाले १६, महेन्द्रसिंह धोनी र सार्दुल ठाकुरले बाह्रबाह्र रन बनाउनु बाहेक अन्यले दोहोरो रनसमेत बनाउन सकेनन् ।

बलिङमा मुम्बईका लसिथ मलिंगा, हार्दिक पाण्ड्याले तीनतीन र जोसजन फेहनड्रफले दुई विकेट लिए । यसअघि, टस हारेर ब्याटिङको निम्तो पाएको मुम्बईले निर्धारित २० ओभरमा ५ विकेट गुमाउँदै १७० रन बनायो । उसका लागि सूर्यकुमार यादवले अर्धशतक प्रहार गरे । उनले ४३ बलमा ५९ रन बनाए ।

जारी आइपीएलमा सूर्यकुमारको यो पहिलो अर्धशतक हो । यस्तै, कुणाल पाण्ड्याले ३२ बलमा ४२, कप्तान रोहित शर्माले १३, युवराज सिंह, क्विन्टन डी ककले ४–४ रन बनाए । हार्दिक पाण्ड्याले नटआउट ८ बलमा २५ र किरण पोलार्डले अविजीत ७ बलमा १७ रन बनाए ।बलिङमा चेन्नईका दीपक चहर, डीजे ब्रावो, इमरान ताहिर, रविन्द्र जडेजा र मोहित शर्माले एक–एक विकेट लिए ।