बुटवल, १ जेठ। बुटवलका दुई होलसेल पसलमा आज साझ आगलागी भएको छ । बुटवलको संगमपथमा रहेको सगरमाथा ब्याग हाउस र संगै रेहको गुल्मी रेसुङ्गा ट्रेड हाउसमा आगलागी भएको हो ।
सांझ ९ बजेतिर भएको आगलागीबाट पसलमा रहेको सबै सामानको क्षति भएको ईलाका प्रहरी कार्यालय बुटवलका नायव प्रहरी उपरिक्षक डिल बहादुर मल्लले जानकारि दिएका छन । बिद्युत सर्ट भएर आगलागी भएको प्रारम्भिक अनुमान गरिए पनि कारण यकिन हुन नसकेको मल्लले बताए ।
बुटवल उपमहानगरपालिकाका दुई र तिलोत्तमा नगरपालिकाको एक गरि तीनवटा दलमकलले पसललमा लागेको आगो नियन्त्रणमा लिएका थिए ।
पसल बन्द गरेको केही समयमा एक्कासि आगलागि भएको सगरमाथा ब्याग हाउसका संचालक उमेश गुप्ता बताए । आफ्नो पसलमा एक करोड बढिको सामान नष्ट भएको उनले दावी गरेका छन ।
यस्तै गुल्मी रेसुङ्गा ट्रड हाउस संचालक राजु श्रेष्ठले आगलागीबाट आफ्नो पसलमा मात्रै ४० लाखको समान जलेर नष्ट भएको दावी गरका छन । पसल बन्दभए लगत्तै आगलागि भएकाले आगलागीको कारण रहस्यमय देखिएको छ । पछिल्लो समय बिमा दाबी गर्नकै लागि आगजनीका घटना समेत हुने गरेकाछन् । पसलको स्टक र जलेका सामानको बिवरण उठाएपछिमात्र वास्तबिक क्षेतीको तथ्य आउने प्रहरीले बताएको छ