वीरगंज, ९ असार ।  नेपाली काग्रेसका केन्द्रीय सदस्य एवम पुर्वमन्त्री अजय चौरसियाले बामपंथी सरकार स्थिर भएपनि जनताको ईच्छा अनुसार काम गर्ने नसकेको बताउनु भएको छ ।

जनतासंग भष्टचार मुक्त देश बनाउने बाचा गरेको सरकार स्वयम प्रधानमन्त्री देखि मन्त्रीहरु सम्म भष्टचारमा सहभागी रहेको चौरसियाको आरोप छ । सडक डिभिजन कार्यलयले वीरगंजको मुख्य सडक २५ र २५ मिटर फराकिलो बनाउने निर्णय गरेपछि नेता चौरसियाले रोस प्रकट गरेका हुन् । ब्यपारीक मार्गको लागि आईसिपी भएर सिमरा सम्म ६ लेन बाटो रहेको त्यसै गरि वीरगंजमा ४ लेनको वाईपास त्यस्तैकोे चर्चा गर्दै उहाले बाटोलाई १५ र १५ मिटर मात्र चौडा गर्नै निर्णय हुन पर्ने बताउनुभयो ।

त्यस्तै निजि सम्पतिको जग्गा अतिग्रहण गर्दा सरकारले त्यसको उचित मुअब्जा दिनुपर्ने पनि नेता चौरसियाको माग छ । कार्यक्रममा नेपाली काग्रेसका नेता एवम पुर्ब सासंद अनिल रुगटा प्रदेश सदस्य राजेशवर साह, ओमप्रकाश शर्मा , बहुदरमाई नगरपालिका का मेयर नितेन्द्र साह, पर्सागढी नगरपालिका मेयर लोकनारायण यादव , त्यस्तै नेता रामनारायण कुर्मी , महासमिति सदस्य रामरुप कुर्मी अलौ १७ का उपसभापति संजु छतकुलि लगायतको उपस्थिति थियो ।