काठमाण्डौं, ८ कात्तिक । मध्यम वर्गका ग्राहकलाई लक्षित गरी मोटोरोला स्मार्टफोनले आफ्ना मोटो ‘इ’ र ‘सी’ सिरीजका चार वटा स्मार्टफोन पहिलोपल्ट नेपाली बजारमा सार्वजनिक गरेको छ ।

मंगलबार काठमाण्डौंको सोल्टी होटलमा एक भव्य कार्यक्रमका बिच स्मार्टफोन सार्वजनिक गरिएको हो । नेपालमा मोटोरोलाका स्मार्टफोन आधिकारीक विक्री वितरण गर्न लाइफकम लाई दिइएको छ । लेनोभोको आधिकारिक विक्रेता समेत रहेको लाइकम नेपालका प्रबन्ध निर्देशक अमित अग्रबालले मोटोरोलाले नेपालका ग्राहकको विश्वास जित्न समय नलाग्ने दावी गरे ।

उनले मोेटोरोलाका फोनहरु विश्वमै अब्बल सावित भएको भन्दै नेपाली ग्राहकमाझ पनि यसले राम्रो प्रभाव छाड्ने बताए ।

कार्यक्रममा मोटोरोलाका कन्ट्री म्यानेजर सुधिन माथोरले सुलभ मूल्यमा उत्कृष्ट फोन लिएर आएको भन्दै आकर्षक डिजाइन तथा अत्याधुनिक फिचर्स सहित उत्कृष्ट सेल्फी अनुभव प्रदान गर्ने क्यामरा, उत्कृष्ट प्रोसेसर , उच्च क्षमताको तिब्र गतिमा चार्ज हुने ब्याट्री, स्तरीय स्क्रीन , मितब्ययी मूल्य श्रेणी
लगाएतका विशेषताका कारण मोेटोरोला नेपालमा रुचाइने बतए ।