बुटवल, १० साउन।
रुपन्देहीको तिलोत्तमाबाट बिभिन्न खाद्य उत्पादन गर्दै आएको सिद्धिबिनायक ग्रुप अन्तर्गतको सिद्धिबिनायक फुड प्रा.लिले आफनो सातौ बार्षिक उत्सव बिभिन्न कार्यक्रम गरेर मनाएको छ । बार्षिक उत्सवकै अवसरमा ग्रुपले आज बुटवलमा आयोजना गरेको कार्यक्रममा उत्कृष्ठ कार्य गर्ने बजार प्रतिनिधिहरुलाई सम्मान गनर्सका साथै नयां आर्थिक वर्षका लागि आकार्षक कार्यक्रमहरु घोषणा गरेको छ ।
ग्रुपले सञ्चालन गरेका सिद्धिबिनायक फुड र्इण्डष्टिज आज बाट ६ वर्ष पुरा गरी ७ वर्ष पुगेको र सिद्धिबिनायक स्नाक्स एण्ड नुडल्स २ वर्ष पुरा गरी ३ वर्ष प्रवेश गरेको अवसरमा आज बुटवलमा बजार प्रतिनिधिहरुको भेला सहित अन्तरक्रिया तथा उत्कृष्ट बजार प्रतिनिधिलाई सम्मान गरेको हो ।
सिद्धिबिनायक फुड इण्डष्टिजले ४० प्रकारका बिभिन्न बिष्कुट सहित कुकिज तथा सिद्धिबिनायक स्नाक्स एण्ड नुडल्सले ४ प्रकारका तैयारी चाउचाउ र चिप्स तथा क्रेकरहरु उत्पादन गर्दै आएको छ ।
कार्यक्रममा सहभागि ग्रुपका बजार प्रतिनिधिहरुलाई सरकारले लागु गरेको योगदानमा आधारित सामाजिक सुरक्षा योजना, भीसीटिएस, ईबिलिगं तथा उद्योगले अघि सारेका व्यवसायीक योजना र स्किमका सम्वन्धमा जानकारी गराइएको थियो ।
कार्यक्रममा बोल्दै ग्रुपका सञ्चालक समेत रहेका नेपाल उद्योग वाणिज्य महासंघका केन्द्रिय सदस्य सुरेन्द्र प्रसाद श्रेष्ठले व्यवसायीक सफलताका लागि बजारप्रतिनिधिहरुको भूमिका महत्वपूर्ण हुने बताउनु भयो ।
उहाले अहिले परिस्थितिमा गुणस्तरीय बस्तुको उत्पादन, स्वच्छ प्रतिष्पर्धा, गुणस्तरीय सेवा र पारदर्शी कारोवार गर्न नसके त्यसले सामाजिक प्रतिष्ठा र लगानीलाई समेत जोखिममा पुर्याउने बताउनुभयो ।
ग्रुपका अध्यक्ष उज्ज्वल कसजूले गज्जवका ब्राण्डको उत्पादनको गुणस्तरमा कहिलै कमी आउन नदिने प्रतिवद्धता जनाउनु भयो ।