काठमाडौँ, २१ साउन । ग्राण्डी अस्पतालमा बच्चाको मृत्यु भएपछि मृतकका आफन्तले आज अस्पतालमा प्रदर्शन गरेका छन् ।

गत असार २० गते जुडुवा बच्चा जन्माएकी गोल्फुटारकी निशा तामाङका जुम्ल्याहा मध्ये एक बच्चाको मृत्यु भएपछि उनीहरुले आन्दोलन गरेका हुन् । मृतक वच्चाका बाबु दोर्जेका अनुसार असार ६ गते उनको एउटा बच्चाको मृत्यु भएको थियो । त्यही दिन उनीहरुले अर्को बच्चालाई ग्राण्डीबाट निकालेर इशान बाल अस्पताल लगेका थिए ।

अस्पतालले इन्फेक्शनको कारण बच्चाको मृत्यु भएको जनाएपनि यसलाई पत्याउन घरपरिवार तयार भएका छैनन । सामान्य अवस्थामा रहेको बच्चालाई अस्पतालले पैसाको लागि एनआइसियूमा राखेको परिवारले आरोप लगाएका छन् । जन्मिएको १८ दिनपछि बच्चाको मृत्युभएपछि उनीहरुले अस्पताललाई पटक पटक सत्य तथ्य छानबिन गर्न आग्रह गरेपनि अस्पतालले वास्ता नगरेको मृतक बच्चाका बाबु दोर्जेले बताउनुभयो ।
अस्पतालले गल्ती भएको स्विकार गर्दै चिकित्सकलाई कारवाही गर्ने बताएको छ ।