विराटनगर, १९ असार । मोरङको कटहरि गाउँपालिका अध्यक्षमा नेपाली काँग्रेसका रामकुमार कामतले चार हजार ५०६ मत प्राप्त गरी विजयी हुनुभएको निर्वाचन अधिकृत नरेन्द्र पौडेलले जानकारी गराउनुभयो ।
उहाँका निकटतम प्रतिद्वन्द्वी नेकपा ९एमाले० का मुक्तिनारायण राजवंशीले तीन हजार ७८१ मत प्राप्त गर्नुभयो ।
त्यसैगरी, उपाध्यक्षमा नेपाली काँग्रेसकै मन्जिता सरदारले चार हजार ४९४ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी एमालेकै सुमनकुमारी सरदारले तीन हजार ७५५ मत प्राप्त गर्नुभयो ।
हालसम्म मोरङको सत्र स्थानीय तहमध्ये चारवटाको निर्वाचन परिणाम सार्वजनिक भएको छ । रासस
प्रतिक्रिया दिनुहोस्