काठमाण्डौं, १९ काक्तिक । इंग्लिस प्रिमियर लिग फुटबल अन्तर्गत गएराति भएको खेलमा साबिक विजेता चेल्सीले म्यानचेस्टर युनाइटेडलाई हराएको छ ।

घरेलु मैदानमा भएको खेलमा चेल्सीले अल्भारो मोराटोको सुन्दर गोलमा भ्रमण टोली म्यानचेस्टर युनाइटेडलाई १–० ले हराएको हो । पहिलो हाफमा गोलरहित बराबरी भएको खेलमा ५५ औं मिनेटमा मोराटाले गोल गरे । त्यही गोल नै चेल्सीको जितमा निर्णायक बन्यो । जोसे मोरिन्होको टिम युनाइटेडका लागि यो अर्को घातक हार बन्यो । यसअघि युनाइटेड यो सिजन लिगमा हडल्सर्फिड टाउनसँग पराजित भएको थियो । हारपछि युनाइटेड शीर्ष स्थानको म्यानचेस्टर सिटी भन्दा ८ अंकले पछि परेको छ । युनाइटेडको ११ खेलबाट २३ अंक भएको छ । सिटीको ३१ अंक छ । यसअघि राति नै भएको खेलमा सन हेङ–मिनको गोलबाट क्रिष्टल प्यालेसलाई हराएको तेस्रो स्थानको टोटनह्यामको पनि युनाइटेड समान २३ अंक भएको छ । युनाइटेडलाई हराएको चौथो स्थानको चेल्सीलको २२ अंक भएको छ ।