काठमाण्डौं, २६ कार्तिक । एसीसी अन्डर १९ एसिया कप अन्तर्गत समूह ’ए’को दोस्रो खेलमा नेपाल र भारत खेलिरहेका छन् ।
खेल नेपाली समय अनुसार बिहान सवा सात बजे सुरु भएको हो । समूहको पहिलो खेलमा भारतले मलेसियालाई हराएको थियो भने नेपाल बंगलादेशसंग पराजित भएको थियो । अंक तालिकाको शीर्ष स्थानमा रहेको भारतले यस खेलमा जित हात पारे दोस्रो चरणको यात्रा लगभग पक्का गर्ने छ । भारत प्रतियोगिताको डिफेन्डीङ च्याम्पियन पनि हो । उसले अहिलेसम्मका तीन संस्करणमध्ये पछिल्ला दुईमा उपाधि जितेको छ । पहिलो संस्करणमा भारत र पाकिस्तान उपाधिको संयुक्त विजेता रहेका थिए ।
प्रतिक्रिया दिनुहोस्