इंग्लिस प्रिमियर लिग फुटबल अन्तर्गत गएराति भएको खेलमा वाट्फोर्ड विजयी भएको छ । घरेलु मैदानमा भएको खेलमा वाट्फोर्डले वेष्ट ह्याम युनाइटेडलाई २–० ले हराएको हो । वाट्फोर्डको जितमा विल ह्युज र रिचलिसनले गोल गरे ।
११ औं मिनेटमा ह्युजको गोलबाट वाट्फोर्डले पहिलो हाफमा १–० को अग्रता लियो । ६४ औं मिनेटमा रिचलिसनले गोल गर्दै वाट्फोर्डलाई २–० को जित दिलाए । वेष्ट ह्याम डेविड मोयसको प्रशिक्षणमा खेलेको पहिलो खेलमा नै पराजित भएको हो । पराजयपछि वेष्ट ह्याम रेलिगेशन जोनबाट बाहिर निश्कन सकेन । उसको १२ खेलबाट ९ अंक छ र उ १८ औं स्थानमा छ । १८ अंक जोडेको वाट्फोर्ड आठौं स्थानमा कायम छ ।
प्रतिक्रिया दिनुहोस्