काठमाण्डौं, १० मंसिर । पाकिस्तानमा इस्निन्दा कानुनको समर्थनमा गरिएको प्रदर्शनले हिंसात्मक रुप लिएपछि पाकिस्तान सरकारले इस्लामावादमा सेना परिचालन गरेको छ ।

कानुनको समर्थन गर्दै आइरहेको इस्लामिक संगठन तहरीक–ए–लब्बैकले २० दिनदेखि पाकिस्तानको इस्लामावादस्थित फैजावादमा प्रदर्शन गर्दै आइरहेको छ । प्रदर्शनका क्रममा धर्नामा रहेका प्रदर्शनकारीलाई सुरक्षाकर्मीले हटाउने क्रममा इस्लामिक प्रदर्शनकारी र सुरक्षाकर्मीबीच झडप भइ १ जना सुरक्षाकर्मीको मृत्यु समेत भएको छ । झडपका क्रममा सयभन्दा बढी प्रदर्शनकारी घाइते भएका छन् । संगठनले बिगत २० दिनदेखि पाकिस्तानका कानुन मन्त्री हमिद हमीदको राजीनामा माग गर्दै प्रदर्शन गर्दै आएकोमा प्रहरीले हस्तक्षेप गरेको थियो । प्रहरीले सयौं प्रदर्शनकारीलाई पक्राउ समेत गरेको छ । कानुन मन्त्री जाहिद हमीदले राजीनामा नदिएसम्म प्रदर्शन जारी राख्ने उनीहरुको अडान रहेको छ । संगठन सन् २०१५ को अगष्टमा गठन भएको संगठन हो । ईश्वर निन्दा गरेको आरोपमा कानूनमन्त्री जाहिद हामिदको राजीनामा माग गर्दै प्रदर्शनकारीले कैयौ हप्तादेखि राजमार्ग अवरुद्ध पार्दै आएका छन् ।