पोखरा, ३ माघ । माओवादी केन्द्रका नेता कृष्णबहादुर महराले पार्टी एकता हुनेमा कुनै दुविधा नभएको र अव छिट्टै एकता हुने बताएका छन् ।
‘पार्टी एकता हुन्छ, त्यसमा कुनै समस्या वा दुविधा छैन,’ उनले भने,’दुई अलगरअलग धारमा हिँडेको छुट्टै बिचार, छुट्टै राजनीति र छुट्टाछुट्टै संगठन भएको पार्टीलाई मिलाउन केही समय भने लाग्न सक्छ ।’
महराले संयोजन समितिमा एकताबारे छलफल भइरहेको बताउँदै एमाले अध्यक्ष केपी ओली स्वदेश फर्केपछि दुई पार्टी अध्यक्षबीच खुलेर कुरा हुने र एकताको टुंगो लगाउने बताए ।
अहिले नै पार्टी एकताको सबै कुरा टुंङगि नसकेपनि दुई पार्टी अध्यक्षबीच खुलेर कुरा भइसकेपछि सबै कुरा टुङ्गिने उनको भनाइ छ ।
प्रेस सेन्टर कास्की र प्रेस चौतारी कास्कीले पोखरामा बुधबार संयुक्त रुपमा आयोजना गरेको पत्रकार भेटघाट कार्यक्रममा उनले दुई अलग÷अलग पार्टीबीचमा बिचार, राजनीति र संगठन मिलाउन केही समय लाग्ने भएपनि पार्टी एकता हुनेमा कुनै भने समस्या नभएको बताएका हुन् ।
महराले एमाले र माओवादी केन्द्रले जसरी प्रतिनिधि सभा र प्रदेश सभाको चुनावमा तालमेल गर्यो अब त्यसरी नै राष्ट्रिय सभाको चुनाव र प्रदेश सभाको सरकार गठनमा पनि तालमेल हुने बताए ।
त्यसका लागि दुई पार्टीबीच प्रारम्भिक छलफल भइरहेको भन्दै उनले दुई पार्टी अध्यक्षले नै टुङ्गो लगाउने बताए ।
पूर्व उपप्रधानमन्त्रीसमेत रहेका नेता महराले संवैधानिक समस्या देखाएर प्रधानमन्त्री शेरबहादुर देउवाले सत्ता लम्ब्याउने प्रयास गरिरहेको आरोप समेत लगाएका छन् ।
अर्को फरक प्रशंङ्गमा नेता महराले प्रधानमन्त्री शेरबहादुर देउवा र कांग्रेसका कारण प्रदेश प्रमुख र प्रदेशको अस्थायी राजधानी तोक्ने बारेमा सहमति हुन नसकेको बताए ।
प्रतिक्रिया दिनुहोस्