काठमाडौं १२ बैशाख । इरानी राष्ट्रपति इब्राहिम रायसीको पाकिस्तान भ्रमणमा दुई देशबीचको व्यापारिक सम्झौताका विषयमा अमेरिका कडा प्रतिक्रिया दिएको छ।

अमेरिकाले इरानसँगको व्यापार सम्झौताका विषयमा पाकिस्तानलाई ‘प्रतिबन्धको सम्भावित जोखिम’बारे चेतावनी दिँदै इरानविरुद्ध कारबाही जारी राख्ने बताएको हो।

पाकिस्तानको ब्यालिस्टिक क्षेप्यास्त्र कार्यक्रमका आपूर्तिकर्ताहरूविरुद्ध प्रतिबन्धलाई जोड दिँदै अमेरिकी विदेश मन्त्रालयका उपप्रवक्ता वेदान्त पटेलले भने, ‘हामी जहाँसुकै भए पनि आम विनाशकारी हतियार खरिदसँग सम्बन्धित गतिविधिहरूमा अवरोध र कारबाही जारी राख्नेछौं।’

‘मैले भन्ने यत्ति मात्र हो– कुनै पनि देशलाई प्रतिबन्धको सम्भावित जोखिमबारे होसियार रहन सल्लाह दिन्छु। तर अन्ततः पाकिस्तानी सरकारले आफ्नो विदेश नीति आफैँले बनाउन सक्छ।’