काठमाडौं ३० असार । एआ–शैलीको राइफल बोकेको एक बन्दुकधारीले पेन्सिलभेनियामा भएको पूर्व राष्ट्रपति डोनाल्ड ट्रम्पको सभामा उनलाई गोली हानेपछि अमेरिकाको खुफिया सेवाले जाँच गरिरहेको एसोसिएटेड प्रेसले जनाएको छ ।
कि बन्दुकधारीले शनिबार र्याली स्थलको बाहिरबाट अग्लो ठाउँबाट ट्रम्पले बोल्दै गरेको मञ्चमा धेरै पटक गोली हानेको थियो। खुफिया सेवा एजेन्टहरूले बन्दुकधारीलाई भने मारेको बताएका छ। बन्दुकधारीको नाम बेथल पार्क, पेन्सिलभेनियाकै २० वर्षीय थोमस म्याथ्यू क्रुक्स रहेको बताइएको छ ।

एसोसिएटेड प्रेसको ट्रम्प रैलीको दृश्यमा रहेको एक दर्जन भन्दा बढी भिडियो र फोटोहरूको विश्लेषण, साथै साइटको स्याटेलाइट इमेजरीले देखाउँछभ. भन्दै शूटर मञ्चको नजिक आश्चर्यजनक रूपमा पुग्न सफल भएको बताइएको छ । जहाँ ट्रम्प बोलिरहेका थिए, त्यहाँबाट बन्दुकधारीको शव रहेको छानो १५० मिटर भन्दा कम टाढा थियो।

रोयटर्सका अनुसार, रिपब्लिकन सांसदहरूले स्नाइपरले कसरी गुप्त सेवा एजेन्टहरूलाई झ्क्याउएर आक्रमण गर्न सक्यो भन्दै आश्चार्य प्रकट गरेका छन् । डोनाल्ड ट्रम्प बोलिरहेको चुनावी सभा नजिकको भवनको छतमा बन्दुकधारी कसरी पुग्न सके र आफै मारिनुअघि त्यति धेरै पटक गोली हान्न कसरी सके भन्ने कुरा छानबिन गर्नु पर्ने रिपव्लिकन पार्टीेले माग गरेको छ ।

रिपब्लिकन हाउस स्पीकर माइक जोनसनले सामाजिक सञ्जालमा हाउसले ‘गुप्त सेवा निर्देशक किम्बर्ली चिटले र अन्य उपयुक्त अधिकारीहरूलाई हाम्रो समितिहरूमा यथाशीघ्र सुनुवाइका लागि उपस्थित गराइनेछ’ भन्ने प्रतिक्रिया दिएका छन् ।