काठमाडौं, १८ फागुन । वाम गठबन्धन र संघीय समाजवादी फोरमबीच शनिबार फेरि वार्ता हुने भएको छ । आज तराइमा होली भएकोले शनिवार पुन वार्ता हुने प्रधानमन्त्रीका प्रेस सल्लाहकार चेतन अधिकारीले जानकारी दिनुभयो ।
पटक पटक भएको वार्ताले मन्त्रालय भागबण्डाको विषय टुंग्याउन नसकेपछि शनिबार शीर्ष नेताको बैठक बस्न लागेको नेताहरुले बताएका छन् ।
सरकारमा सहभागी हुन फोरमले ३ मन्त्रालय र उपसभामुख तथा राष्ट्रिय सभाको उपाध्यक्षमध्ये एउटा पद पनि मागेको छ । वाम गठबन्धन फोरमलाई तीन मन्त्रालय दिन तयार नभएको एक स्रोतले जानकारी दिएको छ ।
संविधान संशोधनबारे करिब करिब सहमति भएपनि पदीय भागबण्डाको विषय भने पेचिलो बन्दै गएको छ । शनिबार बस्ने वार्तामा मन्त्रालयको टुंगो लगाएर औपचारिक सहमति हुने शिर्षनेताहरुले दाबी गरेका छन् ।
प्रतिक्रिया दिनुहोस्