काठमाडौं २४ पुस । नेपाविद्रोहीले सत्ता कब्जा गरेको एक महिनापछि सिरियाबाट पहिलो पटक अन्तर्राष्ट्रिय व्यावसायिक उडान भएको छ ।

गएको डिसेम्बर ८ तारिखमा विद्रोहीले सत्ता कब्जा गरेपछि सिरियाबाट एक महिनासम्म कुनै पनि व्यावसायिक उडान हुन सकेका थिएनन् । आज सिरियन एअरलाइन्सको जहाजले यूएईको शारजाहका लागि उडान भरेको समाचार संस्था एएफपीले जनाएको छ ।

दमास्कस विमानस्थलका निर्देशक एनिस फलोहले आज नयाँ शुरुआत भएको बताउँदै आजदेखि देशबाहिर जाने विमानको बिदाइ र देशभित्र आउनेलाई स्वागत गर्न थालेको उल्लेख गर्नुभएको छ ।

सिरियामा यसअघि अन्तर्राष्ट्रिय सहायताका र विदेशी कूटनीतिक प्रतिनिधिमण्डलहरूका विमान अवतरण गरे पनि सर्वसाधारण बोक्ने विमानको उडान ठप्प थियो । अब अलेप्पो, होम्स लगायतका अन्तर्राष्ट्रिय विमानस्थल सञ्चालनको तयारी भइरहेको खबरमा उल्लेख छ ।