काठमाडौं २६ चैत । संयुक्त राष्ट्रसङ्घको विश्व खाद्य कार्यक्रम ९डब्ल्यूएफपी० ले अमेरिकी कोष कटौती लाखौंका लागि ‘मृत्युदण्ड’ हुनसक्ने चेतावनी दिएको छ ।
डब्ल्यूएफपीले १४ देशमा आपत्कालीन खाद्य सहायताका लागि अमेरिकी कोष बन्द गर्नु ‘चरम भोकमरी र भोकमरीको सामना गरिरहेका लाखौं मानिसहरूलाई मृत्युदण्डको सजाय हुनसक्ने’ बताएको रोयटर्सले जनाएको छ । डब्ल्यूएफपीले जीवन बचाउने कार्यक्रमहरूमा निरन्तर सहयोगका लागि आग्रह गर्न अमेरिकी प्रशासनसँग सम्पर्कमा रहिरहेको सामाजिक सञ्जाल ‘एक्स’ मा उल्लेख गरेको छ ।

विश्व खाद्य कार्यक्रमकी प्रमुख सिन्डी म्याककेनले विश्व नेताहरूलाई अमेरिकी कोष कटौतीको परिणामहरूको मूल्याङ्कन गर्न आग्रह गर्नुभएको छ । उहाँले कोष कटौतीले भोकमरी, इन्धन अस्थिरतालाई गहिरो बनाउने र संसारलाई निकै कम सुरक्षित बताउने बताउनुभएको छ ।

यसैबीच अमेरिकी राष्ट्रपति डोनाल्ड ट्रम्पको प्रशासनले अफगानिस्तान, यमन र अन्य १२ देशका लागि खाद्य सहायतासहित बाँकी रहेको धेरैजसो अमेरिकी सहायता रद्द गर्ने निर्णय गरेको विदेश विभाग र अन्तर्राष्ट्रिय विकास एजेन्सीका सहायता स्रोतहरूले बताएका छन् ।