काठमाडौं ११ असार । फिफा विश्वकप २०२६ अन्तर्गत समूह ‘डी’को जारी खेलमा टर्कीले अमेरिकाविरुद्ध २–१ को अग्रता बनाएको छ।
खेलको ३१औँ मिनेटमा ओर्कुन कोकुले शानदार गोल गर्दै टर्कीलाई पहिलो पटक अग्रता दिलाएका हुन्। सुरुआती गोल खाएपछि उत्कृष्ट पुनरागमन गरेको टर्कीले लगातार दुई गोल गर्दै खेल आफ्नो पक्षमा पारेको हो।
यसअघि अमेरिकाले खेलको तेस्रो मिनेटमै अस्टिन ट्रस्टीको गोलमार्फत अग्रता लिएको थियो। तर टर्कीले खेलको १०औँ मिनेटमा अर्दा गुलरको गोलबाट खेललाई १–१ को बराबरीमा ल्याएको थियो।
त्यसपछि टर्कीले आक्रामक खेल प्रदर्शनलाई निरन्तरता दिँदै ३१औँ मिनेटमा ओर्कुन कोकुको गोलमार्फत २–१ को अग्रता बनाएको हो। पहिलो हाफ जारी रहँदा दुवै टोली थप गोलको खोजीमा छन्।
प्रतिक्रिया दिनुहोस्