काठमाडौं । पोर्चुगलका फुटबल स्टार क्रिस्टियानो रोनाल्डोले आफ्नी लामो समयदेखिकी पार्टनर तथा मोडेल–इन्फ्लुएन्सर जर्जिना रोड्रिगेजसँग विवाह गरेका छन्।

रोनाल्डो र जर्जिनाले पोर्चुगलमा नागरिक समारोहमार्फत विवाह गरेका हुन्। पोर्चुगिज सञ्चारमाध्यमका अनुसार उनीहरूले अगस्ट ११ मा लिस्बननजिकैको समुद्री किनारको सहर कास्काइसमा विवाह गरेका हुन्।

रोनाल्डोले सामाजिक सञ्जाल इन्स्टाग्राममा विवाहको औँठी देखाउँदै तस्बिर सार्वजनिक गरेका छन्। पोस्ट सार्वजनिक भएको करिब ३० मिनेटमै उक्त तस्बिरमा ३० लाखभन्दा बढी लाइक आएको थियो।

विवाह समारोहमा रोनाल्डो र जर्जिनाका पाँच सन्तान पनि सहभागी भएका थिए।

रोनाल्डो र जर्जिना करिब १० वर्षदेखि सम्बन्धमा थिए। उनीहरूको पहिलो भेट स्पेनको म्याड्रिडस्थित गुच्ची स्टोरमा भएको थियो, जहाँ जर्जिना काम गर्थिन्। त्यतिबेला रोनाल्डो स्पेनी क्लब रियल म्याड्रिडबाट व्यावसायिक फुटबल खेलिरहेका थिए।

यो जोडीले गत वर्ष अगस्ट ११ मा इन्गेजमेन्ट घोषणा गरेको थियो। त्यसबेला जर्जिनाले इन्गेजमेन्टको औँठीको तस्बिर सार्वजनिक गर्दै जीवनभर रोनाल्डोसँगै रहने प्रतिबद्धता जनाएकी थिइन्।

Originally published on abcnews.com.np.