काठमाडौँ । माछापुच्छ्रे बैंकले आर्थिक वर्ष २०८२/८३ मा आफ्नो वित्तीय प्रदर्शनमा सुधार गर्दै २ अर्ब ११ करोड ४१ लाख रुपैयाँ खुद नाफा कमाएको छ।

बैंकको अपरिष्कृत वित्तीय विवरणअनुसार यो नाफा अघिल्लो आर्थिक वर्षको १ अर्ब ८८ करोड ३६ लाख रुपैयाँको तुलनामा १२.२४ प्रतिशतले बढी हो।

बैंकको वितरणयोग्य नाफा ९८ करोड २० लाख रुपैयाँ पुगेको छ। यस्तै, जगेडा कोषमा रकम छुट्याउनुअघिको नाफा १ अर्ब १९ करोड ८३ लाख रुपैयाँ रहेको छ। अघिल्लो वर्ष यस्तो नाफा १ अर्ब ४ करोड १६ लाख रुपैयाँ थियो।

ब्याज तथा अन्य आम्दानीमा वृद्धि

बैंकको खुद ब्याज आम्दानी ६ अर्ब ७ करोड ४९ लाख रुपैयाँ पुगेको छ। त्यस्तै, खुद शुल्क तथा कमिसन आम्दानी १ अर्ब ५८ करोड ५७ लाख रुपैयाँ पुगेको छ।

नेट ट्रेडिङ आम्दानीसमेत बढेर ४८ करोड ११ लाख रुपैयाँ पुगेको बैंकले जनाएको छ। आम्दानीका विभिन्न स्रोतमा भएको वृद्धिसँगै बैंकको कुल सञ्चालन आम्दानी ८ अर्ब ३१ करोड ४४ लाख रुपैयाँ पुगेको छ।

ईपीएस १७ रुपैयाँ ८९ पैसा

नाफा बढेसँगै बैंकको प्रतिशेयर आम्दानी (ईपीएस) पनि बढेको छ। आर्थिक वर्ष २०८२/८३ मा बैंकको ईपीएस १७ रुपैयाँ ८९ पैसा पुगेको छ। अघिल्लो वर्ष यो १५ रुपैयाँ ८९ पैसा थियो।

बैंकको प्रतिशेयर नेटवर्थ १६९ रुपैयाँ ९० पैसा कायम रहेको छ।

लाभांश क्षमता ७.५१ प्रतिशत

बैंकले ३ अर्ब रुपैयाँ बराबरको अविमोच्य असञ्चिति अग्राधिकार शेयर जारी गरेको छ। उक्त शेयरका लागि ७ करोड ५५ लाख रुपैयाँ लाभांश छुट्याइएको छ।

यसपछि बैंकको लाभांश क्षमता ७.५१ प्रतिशत कायम भएको छ।

समग्रमा आर्थिक वर्ष २०८२/८३ मा माछापुच्छ्रे बैंकको खुद नाफा, खुद ब्याज आम्दानी, शुल्क तथा कमिसन आम्दानी, सञ्चालन आम्दानी र प्रतिशेयर आम्दानीलगायत अधिकांश प्रमुख वित्तीय सूचकमा सुधार देखिएको छ।

Originally published on abcnews.com.np.