काभ्रेपलाञ्चोक । काभ्रेपलाञ्चोकको बनेपामा बसले स्कुटरलाई ठक्कर दिँदा एक जनाको मृत्यु भएको छ।
शुक्रबार दिउँसो बनेपा नगरपालिका–७ स्थित शुभकामना हलअगाडि सडकमा बा३ख २०१४ नम्बरको बसले बाप्र०२–०४२ प १५९९ नम्बरको स्कुटरलाई ठक्कर दिएको प्रहरीले जनाएको छ।
दुर्घटनामा पनौती नगरपालिका–८ मल्पीका ६९ वर्षीय देवेन्द्रबहादुर खत्री गम्भीर घाइते भएका थिए। उनलाई उपचारका लागि शिर मेमोरियल अस्पताल, बनेपा लगिएको थियो। उपचारकै क्रममा खत्रीको मृत्यु भएको प्रहरीले जनाएको छ।
दुर्घटनापछि प्रहरीले बस चालकलाई नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्